પ્રેમ માત્ર યુવાની સુધી સીમિત નથી… આ વિચારને જીવંત કરતી નવી ફિલ્મ જબ ખુલી કિતાબ ડિજિટલ સ્ક્રીન પર આવી રહી છે. ZEE5 દ્વારા જાહેર કરાયેલી આ ફિલ્મ 6 માર્ચ 2026ના રોજ હિન્દી ZEE5 પર એક્સક્લુસિવ સ્ટ્રીમ થશે. પહેલીવાર સાથે આવી રહેલાં પંકજ કપૂર અને ડિમ્પલ કાપડિયા જેવા દિગ્ગજ કલાકારોની જોડી દર્શકો માટે ખાસ આકર્ષણનું કેન્દ્ર બની છે.
દાયકાઓ જૂનો સંબંધ, કડવું સત્ય અને લાગણીઓનું વાવાઝોડું એટલે જબ ખુલી કિતાબ.
ફિલ્મની વાર્તા ગોપાલ અને અનસુયા નામના દંપતિની છે, જેઓ વર્ષો સુધી સાથે જીવન વિતાવે છે. એક અણધારી હકીકત સામે આવતાં તેમનો સંતુલિત લાગતો સંબંધ હચમચી જાય છે. આ સત્ય માત્ર તેમને જ નહીં, પરંતુ આખા પરિવારને ભાવનાત્મક સફર પર લઈ જાય છે. ક્યારેક ગંભીર, તો ક્યારેક હાસ્યસભર. પ્રેમ, સહવાસ, માફી અને ફરી એકબીજાને શોધવાની સુંદર શક્યતાઓ ફિલ્મનું હાર્દ છે.
ધરખમ કલાકારો અને સંવેદનશીલ દિગ્દર્શન.
ફિલ્મમાં પંકજ કપૂર અને ડિમ્પલ કાપડિયા સાથે અપારશક્તિ ખુરાના યુવા વકીલની ભૂમિકામાં નવી વિચારધારાનો સ્પર્શ લાવે છે. સહાયક ભૂમિકામાં સમીર સોની, નૌહિદ સાયરુસી અને માનસી પારેખ પારિવારિક કથાને વધુ સમૃદ્ધ બનાવે છે.
લેખક-દિગ્દર્શક સૌરભ શુક્લા છે, જે તેમન મૂળ નાટકને ફિલ્મ સ્વરૂપે રજૂ કરી રહ્યા છે.
પ્રસ્તુતિ એપ્લોઝ એન્ટરટેઈનમેન્ટ અને શૂસ્ટ્રેપની છે. પ્રેમની આ ખૂલી કિતાબ ZEE5 પર 6 માર્ચ 2026થી સ્ટ્રીમ થશે.
ભાવનાત્મક ઊંડાણ અને હળવી મોજ—બંનેની ખાતરી આપતી આ ફિલ્મ સપરિવાર જોવા જેવી છે.