રાજકોટ જિલ્લા ભાજપે આતશબાજી અને મીઠાઈ વહેંચી મનાવ્યો વિજયોત્સવ

મહારાષ્ટ્ર મ્યુનિસિપલ કોર્પોરેશનની ચૂંટણીમાં ભારતીય જનતા પાર્ટીને મળેલા જ્વલંત વિજયની ખુશીમાં રાજકોટ જિલ્લા ભાજપ દ્વારા ભવ્ય રીતે વિજયોત્સવ ઉજવવામાં આવ્યો.

તાજેતરમાં યોજાયેલી મહારાષ્ટ્ર મ્યુનિસિપલ કોર્પોરેશન ચૂંટણીમાં ભાજપને મળેલી સ્પષ્ટ બહુમતીના પગલે રાજકોટ જિલ્લા ભાજપ દ્વારા જિલ્લાભરના મંડલોમાં ઉત્સાહભેર વિજયોત્સવ મનાવવામાં આવ્યો. રાજકોટ જિલ્લા ભાજપ કાર્યાલય “શ્રી કમલમ” ખાતે ફટાકડાની આતશબાજી કરવામાં આવી અને કાર્યકર્તાઓ તથા નગરજનોને મીઠાઈ વહેંચી આનંદ વ્યક્ત કરવામાં આવ્યો.
આ ઉજવણીનું નેતૃત્વ રાજકોટ જિલ્લા ભાજપ સંગઠન પ્રભારી ધવલભાઈ દવે, જિલ્લા અધ્યક્ષ અલ્પેશભાઈ ઢોલરીયા તથા જિલ્લા મહામંત્રી નરેન્દ્રસિંહ જાડેજાના માર્ગદર્શન હેઠળ કરવામાં આવ્યું. આ પ્રસંગે નરેન્દ્રસિંહ જાડેજાએ જણાવ્યું હતું કે, માનનીય વડાપ્રધાન નરેન્દ્રભાઈ મોદીના દ્રઢ નેતૃત્વ, વિકાસલક્ષી નીતિઓ અને ભ્રષ્ટાચારમુક્ત શાસનની દિશામાં લેવાયેલા નિર્ણયો પર જનતાનો અતૂટ વિશ્વાસ આ વિજય દ્વારા ફરી સાબિત થયો છે.
જિલ્લાભરના મંડલોમાં ‘ભારત માતા કી જય’ અને ‘વંદે માતરમ’ના જયઘોષ સાથે કાર્યકર્તાઓએ ઉત્સાહપૂર્વક ઉજવણી કરી હતી. સમગ્ર કાર્યક્રમમાં જિલ્લા તથા મંડલના હોદેદારો અને કાર્યકર્તાઓ મોટી સંખ્યામાં ઉપસ્થિત રહ્યા હતા.