મુંબઈમાં એક રિક્ષા ચાલક પર બુરખો પહેરી વસુલી કરવા જતા ભારે પડ્યુ હતુ. ત્રણ મુસાફરોએ ભાડું ન ચૂકવવાથી નારાજ થયેલા એક રિક્ષા ચાલકે પૈસા પાછા મેળવવા માટે બુરખો પહેરીને પોતાને છુપાવવાનું નક્કી કર્યું. પરંતુ તેનો વિચાર કામ ન આવ્યો. કારણ કે સ્થાનિક લોકોએ તેને બાળકનું અપહરણ કરનાર સમજીને માર માર્યો. આ ઘટના સોમવારે (૨૨ ડિસેમ્બર) ના રોજ વિક્રોલીના પાર્કસાઇટ વિસ્તારમાં બની હતી.પોલીસના જણાવ્યા અનુસાર, બે દિવસ પહેલા તૌસિફ મોહમ્મદ શેખ ત્રણ મુસાફરોને તેની રિક્ષામાં પાર્કસાઇટ લઈ ગયો હતો. પરંતુ નાની દલીલને કારણે, ત્રણેય મુસાફરો ભાડું ચૂકવ્યા વિના ભાગી ગયા.શેખ ત્રણેય મુસાફરો પાસેથી ભાડું વસૂલવા માટે મક્કમ હતો અને બુરખો પહેરીને પોતાનો વેશ બદલી નાખ્યો. પરંતુ આ યુક્તિ કરવા જતા તેને ભારે પડી હતી.. સ્થાનિક લોકોને શેખ પર શંકા ગઈ અને તેણે પહેરેલા જીન્સ અને જૂતા પરથી તેની સાચી ઓળખ બહાર આવી.એક અધિકારીના જણાવ્યા અનુસાર, પાર્કસાઇટ વિસ્તારમાં એક મસ્જિદ પાસે લોકો ભેગા થયા અને શેખને ભારે માર માર્યો. એવું પણ કહેવાય છે કે તે સમયે શેખ નશામાં હતો. લોકોને શંકા હતી કે શેખ બાળક ચોર છે. ટોળાના ચુંગાલમાંથી બચાવ્યા બાદ, પોલીસે શેખને પોલીસ સ્ટેશન લાવી. આ સંદર્ભમાં કેસ નોંધવામાં આવ્યો છે.