સતારામા આરોપીએ પોલીસ પર કોયતા વડે હુમલો કરતા ૪ પોલીસ ઘાયલ, પોલીસે એન્કાઉન્ટર કર્યુ
મુંબઈ પ્રતિનિધી. તા. ૧
સતારા જિલ્લામાં એક ચોંકાવનારી ઘટના બની છે. પુણેના શિકરાપુરમાં સતારા શહેર પોલીસ પર હુમલો થયો છે. હુમલો કરનાર આરોપીનું શિકરાપુરમાં સતારા પોલીસે એન્કાઉન્ટર કર્યું છે. જે આરોપીનું એન્કાઉન્ટર થયું તેનું નામ લખન ભોંસલે છે. ચોરીના કેસમાં લખન ભોંસલેની ધરપકડ કરવા ગયેલા ચાર પોલીસકર્મીઓ પર હુમલો કર્યો હતો. આ હુમલામાં સતારા પોલીસ દળના ચાર પોલીસકર્મીઓ ગંભીર રીતે ઘાયલ થયા છે.
પોલીસ દ્વારા એન્કાઉન્ટર કરાયેલ આરોપી લખન ભોંસલે છે, જે ખાટવ તાલુકાના જયરામ સ્વામી વડગાંવનો રહેવાસી છે. લખન ભોંસલે વિરુદ્ધ સતારા જિલ્લામાં તેમજ સાંગલી જિલ્લામાં લૂંટ સહિત બળજબરીથી ચોરીના અનેક કેસ નોંધાયેલા છે. આ ઘટના ત્યારે બની જ્યારે સતારા પોલીસની એક ટીમ બે દિવસ પહેલા એક મહિલાના ગળામાંથી ચેઈન છીનવીને ફરાર થઈ ગયેલા આરોપી લખન ભોંસલેને શોધવા માટે શિકરાપુર ગઈ હતી.