કેન્દ્ર સરકારે ગુડ્સ એન્ડ સર્વિસ ટેક્સમાં ઘટાડાનો વાહન ખરીદી પર પ્રભાવ પડ્યો. દશેરાના પ્રસંગે ગુરુવારે મુંબઈ અને થાણેમાં મોટી સંખ્યામાં ટુ-વ્હીલર અને ફોર-વ્હીલર ખરીદવામાં આવ્યા હતા. ગયા વર્ષે દશેરા પર ૯,૦૫૩ વાહનો ખરીદવામાં આવ્યા હતા, પરંતુ આ વર્ષે ૧૦,૫૪૧ વાહનો ખરીદવામાં આવ્યા હતા.
નાના ફોર-વ્હીલર પર જીએસટીમાં ઘટાડાથી ગ્રાહકોને સૌથી વધુ ફાયદો થયો. અગાઉ, ૧૨૦૦ સીસી ની એન્જિન ક્ષમતા અને ૪ મીટરથી ઓછી લંબાઈવાળા પેટ્રોલ અને સીએનજી ફોર-વ્હીલર પર ૨૮ ટકા જીએસટી અને ે૧ ટકા સેસ વસૂલવામાં આવતો હતો. એટલે કે, કુલ ૨૯ ટકા ટેક્સ હતો, જેને સરકારે ૧૮ ટકા કર્યો. ૩૫૦ સીસી થી ઓછી ક્ષમતાવાળા ટુ-વ્હીલર પર જીએસટી દર ૨૮ ટકાથી ઘટાડીને ૧૮ ટકા કરવામાં આવ્યો. આના કારણે, ફોર-વ્હીલર અને ટુ-વ્હીલરની ખરીદીમાં વધારો થયો.
આ વર્ષે, ચાર આરટીઓ વિભાગ – તાડદેવ, વડાલા, અંધેરી અને બોરીવલીમાંથી લગભગ ૭,૫૭૯ ટુ-વ્હીલર અને ૨,૯૫૨ ફોર-વ્હીલર નોંધાયા હતા. પરિવહન વિભાગના જણાવ્યા અનુસાર, આ વર્ષે, નાગરિકો ઇલેક્ટ્રિક ફોર-વ્હીલર ખરીદવા તરફ સૌથી વધુ વલણ ધરાવતા હતા.