વસઈમાં એક પછી એક આવા હુમલા અને લૂંટના બનાવો પ્રકાશમાં આવી રહ્યા છે. મંગળવારે વસઈમાં એક જ્વેલર્સ માલિક પર છરીથી હુમલો કરવામાં આવ્યો હતો. અજાણ્યા વ્યક્તિ દ્વારા કરવામાં આવેલા આ હુમલામાં માલિક કાલુ સિંહ ગંભીર રીતે ઘાયલ થયા હતા અને હોસ્પિટલમાં સારવાર હેઠળ છે.વસઈ પૂર્વના વાલીવના જય નગરમાં અક્સા બિલ્ડિંગમાં અંબિકા જ્વેલર્સ એક દુકાન છે. દુકાનના માલિક કાલુ સિંહ સવારે રાબેતા મુજબ દુકાન ખોલી હતી.. બપોરે ે૧૨ વાગ્યાની આસપાસ, એક અજાણ્યો વ્યક્તિ દુકાનમાં આવ્યો અને અજાણ્યા કાલુ સિંહ પર છરી વડે હુમલો કર્યો. જેના કારણે કાલુ સિંહ લોહીના ખાબોચિયામાં લથપથ પડી ગયો. હુમલાખોર તાત્કાલિક ઘટનાસ્થળેથી ભાગી ગયો.આ ઘટનાથી આસપાસના વિસ્તારમાં ભારે ડરનું વાતાવરણ નિર્માણ થયુ હતુ.. લોહીના ખાબોચિયામાં લથપથ પડેલા કાલુ સિંહને સ્થાનિક નાગરિકોએ તાત્કાલિક ખાનગી હોસ્પિટલમાં સારવાર માટે દાખલ કર્યો હતો. ઘટનાની માહિતી મળતાં, વાલિવ પોલીસ, ક્રાઈમ બ્રાન્ચ ટીમ અને ઝોન ૨ ના ડેપ્યુટી કમિશનર ઓફ પોલીસ પૂર્ણિમા ચૌગુલે શ્રૃંગી ઘટનાસ્થળે પહોંચી ગયા હતા અને ઘટનાની તપાસ શરૂ કરી હતી. હુમલા બાદ, હુમલાખોરે દુકાનમાંથી કોઈ સામાન લીધો ન હતો, તેથી હવે આ હુમલો લૂંટ માટે હતો કે કોઈ અન્ય કારણોસર તે અંગે ચર્ચા ચાલી રહી છે.આ ઘટના પછી, હુમલાખોરને પકડવા માટે વિવિધ સ્થળોએ નાકાબંધી ગોઠવવામાં આવી છે. એક ખાસ તપાસ ટીમની પણ રચના કરવામાં આવી છે. હુમલાખોર ટૂંક સમયમાં પકડાઈ જશે, એમ ઝોન 2 ના ડેપ્યુટી કમિશનર ઓફ પોલીસ પૂર્ણિમા ચૌગુલે-શ્રૃંગીએ જણાવ્યું હતું. તેમણે એમ પણ કહ્યું હતું કે દુકાનમાંથી કંઈ ચોરાયું નથી અને સમગ્ર મામલાની તપાસ કરવામાં આવશે.