મુંબઈમા માલવણી પોલીસ સ્ટેશનના ચાર પોલીસકર્મીઓને સેવામાંથી સસ્પેન્ડ કરવામાં આવ્યા છે. થોડા દિવસ પહેલા સોશિયલ મીડિયા પર આ પોલીસકર્મીઓનો એક વીડિયો વાયરલ થયો હતો. તેમાં દાવો કરવામાં આવ્યો હતો કે આ પોલીસકર્મીઓ તેમની ફરજ બજાવતી વખતે પૈસા લઈ રહ્યા હતા. આની નોંધ લેતા, આ ચારને સસ્પેન્ડ કરવામાં આવ્યા છે. જેમાં એક પોલીસ સબ-ઇન્સ્પેક્ટર અને ત્રણ કર્મચારીઓનો સમાવેશ થાય છે.
પોલીસે આપેલી માહિતી મુજબ, ૧૬ સપ્ટેમ્બરના રોજ માલવણી પોલીસ સ્ટેશનના સબ-ઇન્સ્પેક્ટર પ્રદીપ કદમનો એક વીડિયો વાયરલ થયો હતો. આ વીડિયોમાં દાવો કરવામાં આવ્યો હતો કે તેઓ ફરજ બજાવતી વખતે પૈસા લઈ રહ્યા હતા. ૧૮ સપ્ટેમ્બરના રોજ આવો જ બીજો એક વીડિયો વાયરલ થયો હતો. તેમાં દાવો કરવામાં આવ્યો હતો કે માલવણી પોલીસ સ્ટેશનના પોલીસ કર્મચારીઓ સંજય રાસ્કર, વિકાસ માલી અને મહેન્દ્ર કુમાર મરાલ પૈસા લઈ રહ્યા હતા. આનાથી ખળભળાટ મચી ગયો હતો.
આ બાબતની નોંધ લેતા, પોલીસ નાયબ કમિશનરે ચારેય પોલીસકર્મીઓને સસ્પેન્ડ કર્યા હતા. ડેપ્યુટી કમિશનરે કહ્યું હતું કે આવા કૃત્યો પોલીસ દળની છબીને ખરડતા હોય છે. ચારેય પોલીસ અધિકારીઓ હાલમાં વિભાગીય પોલીસ તપાસ હેઠળ છે.