કલ્યાણ સ્થિત બી. કે. બિરલા કોલેજની 6 મહારાષ્ટ્ર બટાલિયન NCC ના કેડેટ ઋષિકા રમેશ કદમને 28 મે થી 01 જૂન 2025 દરમિયાન નેપાળના કાઠમંડુમાં આયોજિત ભારત-નેપાળ યુવા રમતો 2025માં ગોલ્ડ મેડલ જીતવા બદલ મેજર જનરલ યોગેન્દ્ર સિંહ, VSM, ADG NCC મહારાષ્ટ્ર નિર્દેશાલય દ્વારા સન્માનિત કરવામાં આવ્યા હતા. NCC મહારાષ્ટ્ર નિર્દેશાલયના મુખ્યાલયમાં તેના ગૌરવશાળી માતાપિતા, નિર્દેશાલયના અધિકારીઓ અને કર્મચારીઓની હાજરીમાં આ કેડેટનું સન્માન કરવામાં આવ્યું હતું.
કેડેટ ઋષિકા રમેશ કદમે 16-20 વય જૂથમાં ભાગ લીધો હતો જ્યાં તેણીએ વિવિધ યોગાસનો કરતી વખતે અસાધારણ કૌશલ્ય અને શિસ્તનું પ્રદર્શન કર્યું હતું. આ કાર્યક્રમમાં નવ દેશોના 40 થી વધુ સહભાગીઓ દ્વારા ઉત્સાહપૂર્વક સ્પર્ધા કરવામાં આવી હતી જેમ કે; ભારત, બાંગ્લાદેશ, ભૂટાન, મ્યાનમાર, નેપાળ, શ્રીલંકા, વિયેતનામ, થાઇલેન્ડ અને ઇન્ડોનેશિયા.
