મુંબઈ પ્રતિનિધી, તા. ૫
નાગપુર શહેરના MIDC Police Station Nagpur હેઠળ આવતા વાનાડોંગરીના માતોશ્રી નગર વિસ્તારમાં રાજ્ય રિઝર્વ પોલીસ દળ (SRPF)ના એક જવાનની નિર્દયી હત્યા કરવામાં આવી છે. આ ઘટનામાં પંકજ ઠાકુરનું મૃત્યુ થયું છે, જ્યારે તેમના સાળા ગંભીર રીતે ઘાયલ થયા છે. પોલીસે આ મામલે બે આરોપીઓની ધરપકડ કરી છે.
પ્રાપ્ત માહિતી મુજબ, પંકજ ઠાકુર માતોશ્રી નગર વિસ્તારમાં પરિવાર સાથે રહેતા હતા અને State Reserve Police Forceમાં ફરજ બજાવતા હતા. આરોપી તરુણ આકાશ મંડલ છેલ્લા એક વર્ષથી તેમની સગીર પુત્રીને હેરાન કરતો હતો અને વારંવાર તેમના ઘરની આસપાસ ફરતો રહેતો હતો. આ બાબતે પંકજ ઠાકુરે તેને અગાઉ પણ ચેતવણી આપી હતી.
ગુરુવારે બપોરે આકાશ ફરીથી ઠાકુરના ઘરની નજીક આવ્યો હતો, ત્યારે પંકજ ઠાકુરે તેને ઠપકો આપ્યો અને કાનમાં માર્યો હતો. આ ઘટનાથી ઉશ્કેરાઈને આરોપી આકાશ મંડલે રાત્રે આશરે ૧૦.૩૦ વાગ્યે પંકજ ઠાકુર, તેમના ભાઈ હર્ષિત મંડલ તથા માતા પુષ્પા મંડલને ઘરની બહાર બોલાવી, લોખંડના સળિયાથી હુમલો કર્યો હતો.
આ દરમિયાન મધ્યસ્થી કરવા આવેલા ઠાકુરના ભાભી પર પણ હુમલો કરવામાં આવ્યો હતો. હુમલામાં પંકજ ઠાકુર અને અન્ય એક વ્યક્તિ ગંભીર રીતે ઘાયલ થયા હતા. બંનેને તાત્કાલિક નજીકની હોસ્પિટલમાં દાખલ કરવામાં આવ્યા હતા, જ્યાં સારવાર દરમિયાન પંકજ ઠાકુરનું મૃત્યુ થયું હતું.
ઘટના બાદ આરોપી સ્થળ પરથી ફરાર થઈ ગયો હતો, પરંતુ પોલીસે ઝડપી કાર્યવાહી કરીને બે આરોપીઓને ઝડપી પાડ્યા હતા. ત્રીજા આરોપીની શોધખોળ ચાલુ છે. નોંધનીય છે કે આરોપી પુષ્પા મંડલ પોલીસ વિભાગમાં ક્લાર્ક તરીકે કાર્યરત છે. પોલીસે ગુનો નોંધીને વધુ તપાસ હાથ ધરી છે.
