ઐતિહાસિક નિર્ણયથી વેપારીઓને રાહત

મહારાષ્ટ્ર રાજ્યમાં ખાદ્ય પદાર્થોના જથ્થાબંધ તથા પરચુરણ વેપારીઓ માટે હવે ખાદ્ય, નાગરિક પુરવઠા અને ગ્રાહક બાબતો વિભાગનું અનુજ્ઞાપત્ર (લાઇસન્સ) લેવું ફરજિયાત રહેશે નહીં. આ નિર્ણયથી વેપારી સમાજને મોટી રાહત મળી છે.

મહાસંઘના પ્રયાસોથી સફળતા

અખિલ ભારતીય ખાદ્ય તેલ વેપારી મહાસંઘ ના રાષ્ટ્રીય અધ્યક્ષ તથા Confederation of All India Traders (CAIT) ના રાષ્ટ્રીય મંત્રી શ્રી શંકર ઠક્કરે જણાવ્યું કે વર્ષ 2016માં કેન્દ્ર સરકારે “Ease of Doing Business” અંતર્ગત લાઇસન્સ પ્રણાલી શિથિલ કરી હતી. 2022માં પરિસ્થિતિ બદલાતા છતાં મહાસંઘના પ્રયાસોથી વેપારીઓ પર વધારાની લાઇસન્સની ફરજ દૂર કરવામાં આવી હતી.

સરકારનો સુધારેલ આદેશ

24 ડિસેમ્બર 2025ના આદેશ બાદ ઊભી થયેલી પરિસ્થિતિમાં મહાસંઘના પ્રતિનિધિઓએ રાજ્ય સરકાર સાથે ચર્ચા કરી. પરિણામે મહારાષ્ટ્ર સરકારે નવો આદેશ બહાર પાડી તેલ, તેલબિયા, ચોખા, ઘઉં, જ્વાર, બાજરી, ખાંડ, ગોળ, કઠોળ, વનસ્પતિ, ડુંગળી અને બટાટાના વેપારીઓ માટે લાઇસન્સ ફરજિયાત નહીં રહે તેવી સ્પષ્ટતા કરી છે.

વેપારીઓ માટે માર્ગદર્શન

શ્રી શંકર ઠક્કરે જણાવ્યું કે જેમણે લાઇસન્સ લીધું છે તેઓ તે પરત આપી ડિપોઝિટ રિફંડ મેળવી શકે છે. કોઇ અધિકારી દ્વારા લાઇસન્સના નામે હેરાનગતિ થાય તો મહાસંઘનો સંપર્ક કરવા વિનંતી કરવામાં આવી છે.